Aıgerim Sáttibaeva Azııa chempıonatynda qola júldeger atandy
ASTANA. KAZINFORM — Mońǵolııa astanasy Ulanbatyr qalasynda ótip jatqan World Boxing aıasyndaǵy 2026 jylǵy Azııa chempıonatynda búgin, 7 sáýirde jartylaı fınalda el quramasynan Aıgerim Sáttibaeva jekpe-jek ótkizdi.
Otandasymyz jarystyń bul satysynda mońǵolııalyq Nomýndarı Enh-Amgalanmen qolǵap túıistirdi.
Qos sportshy da rıngtiń ortasyn ıelenýge tyrysyp, alma-kezek shabýyldaýmen boldy. Jekpe-jektiń qorytyndysy boıynsha, tóreshiler 5:0 esebimen Nomýndarı Enh-Amgalandy jeńimpaz dep tanydy.
Áıgerim budan buryn álem chempıonatynyń 2 márte qola júldegeri, ózbekstandyq Sabına Bobokýlovany qapy qaldyrǵan edi.
Endi el quramasynan kúndizgi sessııada 6-jupta Sabyrjan Aqqalyqov (75 keli) mońǵolııalyq Dalaı Ganzorıg, 7-jupta Nurbek Oralbaı (85 keli) taǵy bir mońǵolııalyq Barıahaan Dorjben qolǵap túıistirse, 9-jupta Aıbek Oralbaı (90 keliden joǵary) túrkimenstandyq Dovlet Islamovpen sharshy alańǵa shyǵady.
Qazaqstandyq eki boksshy 14:00–de bastalatyn keshki sessııada synǵa túsedi. Aldymen 3-jupta Orazbek Asylqulov (60 keli) ózbekstandyq Ábdirahmon Mahmýdjonov, 8-jupta Saǵyndyq Toǵambaı (90 keli) ózbekstandyq Halımjon Mamasolıevpen kezdesedi.
