Áıgerim Qoshanova Aqmolanyń bilim basqarmasyna jetekshilik etedi
ASTANA. KAZINFORM — Aqmola oblysy ákiminiń ókimimen Áıgerim Qoshanova Aqmola oblysy bilim basqarmasynyń basshysy bolyp taǵaıyndaldy.
Áıgerim Bolatqyzy Qoshanova Sh. Ýálıhanov atyndaǵy Kókshetaý memlekettik ýnıversıtetin jáne Abaı Myrzahmetov atyndaǵy Kókshetaý ýnıversıtetin támamdaǵan.
Bilim berý salasyndaǵy eńbek jolyn 2008 jyly Zerendi aýdanynyń Ortaaǵash orta mektebinde hımııa jáne bıologııa pánderiniń muǵalimi bolyp bastaǵan.
Ár jyldary Kókshetaý qalasyndaǵy №17 mektep-gımnazııasynda hımııa pániniń muǵalimi, №13 ekologııalyq mektep-gımnazııasynda bıologııa jáne hımııa pánderiniń muǵalimi, oqý isi jónindegi dırektordyń orynbasary, sondaı-aq Ál-Farabı atyndaǵy IT-lıtseıde oqý-tárbıe isi jónindegi dırektordyń orynbasary qyzmetterin atqarǵan.
2021-2024 jyldary Kókshetaý qalasyndaǵy Ál-Farabı atyndaǵy IT-lıtseıdiń dırektory boldy. 2024-2025 jyldary Kókshetaý qalasyndaǵy №20 mektep-gımnazııa dırektorynyń mindetin atqaryp, keıin dırektor qyzmetin atqardy.
Aqmola oblysynyń bilim basqarmasynyń basshysy bolyp taǵaıyndalǵanǵa deıin Aıgerim Qoshanova Aqmola oblysynyń bilim basqarmasynyń Kókshetaý qalasy boıynsha bilim bóliminiń basshysy qyzmetin atqardy.
Budan buryn Erlan Qoshanov Halyq Keńesiniń tóraǵasy bolyp saılanǵan bolatyn.
