Aıgerim Altynbek Italııada ótken opera ánshileri arasyndaǵy halyqaralyq baıqaýda top jardy

ASTANA. KAZINFORM — «Qazaqkontsert» solısti Aıgerim Altynbek Italııada ótken opera ánshileri arasyndaǵy halyqaralyq baıqaýdyń jeńimpazy atandy. Bul týraly QR Mádenıet jáne aqparat mınıstrliginiń baspasóz qyzmeti málim etti. 

Kompozıtor Djakomo Pýchchınıdiń 100 jyldyǵyna oraı uıymdastyrylǵan baıqaýǵa álemniń ár túkpirinen, sonyń ishinde Qazaqstan, Japonııa, Qytaı, Koreıa, Reseı jáne Irannan 70 ónerpaz qatysty.

Marapattaý rásimi Arkoredegi bedeldi Borromeo vıllasynda ótti.

Eske sala keteıik, buǵan deıin Dımash Qudaıbergen Dýbaıda bedeldi syılyqtyń laýreaty atanǵanyn jazǵan bolatynbyz.