Aıfonnyń ýaqytyn 1970 jylǵa aýystyrsa ol paıdalanýǵa jaramsyz bolyp qalady
ASTANA. QazAqparat - Apple smartfonynyń ıeleri óz qurylǵylaryndaǵy operatsııalyq júıesin tolyq isten shyǵaratyn qatelikti baıqaǵan. «Aıfondaǵy» ýaqytty 1970 jyldyń 1 qańtaryna aýystyryp ony óshirgende, smartfondy qaıta qosylmaıdy, dep jazady Reddit forýmynda.
Osy kemshilikti teksergender, bul iOS 8 nemese 9 operatsııalyq júıesimen jumys isteıtin 64 bıttik Apple A7 protsessorly iPhone smartfonyn tolyq jaramsyz etip tastaıtynyn anyqtaǵan.
Bagtyń ne sebepten oryn alatyny ázirge belgisiz. Óndirýshi bul jaıynda resmı túsinikteme bermegen. OS X paıdalanýmen kompıýter arqyly qurylǵyny qaıta qalpyna keltirýde sátsizdikke ushyraǵan.
Forýmda bul kemshilikti joıýdyń joly bar ekenin aıtýda. Olar smarfonnyń qýaty tolyq taýsylǵanyn kútip, sosyn qaıta qýattandyryp iske qosyp kórýdi usynýda.
