Aıfondy taýyp beretin qyzmettiń qateligi AQSh-ta erli-zaıyptylardy ábigerge salýda
ASTANA. QazAqparat - Atlanta shtatynyń turǵyndary Krıstına Lı men Maıkl Sabtyń úıine Aıfon smartfonyn joǵaltqandar jıi keledi. Óıtkeni joǵalǵan smartfondy taýyp beretin elektrondy qyzmet telefon osy mekenjaıda dep kórsetedi.
Erli-zaıyptylardy aıyptaýshylar tipti osy úıge polıtsııa shaqyrtqan. Tártip saqshylaryna úı ıeleri ózderiniń aıypty emes ekendikterin aıtyp aqtalady.
Bir joly joǵalyp ketken boıjetkendi izdegender onyń uıaly telefony boıynsha osy mekenjaıǵa kelgen. Polıtsııa úıdi tintip, ıelerinen birneshe saǵat jaýap alypty.
Oqıǵanyń bylaısha órbýin uıaly baılanys operatory da, Skyhook geolokatsııalyq derekter provaıderi de túsindirip bere almaǵan.
Erli-zaıyptylar Federaldyq baılanys qyzmetiniń ústinen shaǵym túsirip, óz aımaqtary boıynsha saılanǵan senatordan kómek suramaqshy.
