Aıfondarǵa shabýyl: Astanalyq polıtsııa alaıaqtardan abaı bolýǵa shaqyrdy
ASTANA. QazAqparat - Astana qalasynyń Іshki ister departamenti alaıaqtarǵa aldanyp qalǵan «ІRhone» markaly telefony bar azamattardyń shaǵymyn tekserip jatyr, dep habarlaıdy QazAqparat tilshisi.
Elordanyń Іshki ister departamentinen málim etkendeı, ІPhone mobıldi telefonynyń buǵattalýyna qatysty birneshe azamattan shaǵym túsken. Alaıaqtardyń amaldary ártúrli. ІІD sonyń biri bylaısha júzege asyrylatynyn habarlaıdy.
«Alaıaqtar «VKontakte» áleýmettik jelisinde jalǵan akkaýnt ashyp, zardap shegýshilermen pikir almasa bastaıdy. Keıin joǵaltyp alǵan iPhone telefonyn taýyp berýge zardap shegýshiden kómek suralady. Ol úshin zardap shegýshi óz telefonynda «Aıfondy tabý» fýnktsııasyn paıdalanýy tıis. Alaıaq óziniń aıklaýdyn qupııasózben birge jiberedi de, zardap shegýshi bóten aıklaýdty óz mobıldi telefonyna qosady. Budan ári alaıaq ınternetke kiredi, qupııasózdi ózgertip, «joǵaltyp alý» rejımin iske qosady. Osydan keıin zardap shegýshiniń mobıldi telefony buǵattalyp qalady», - delingen polıtsııa habarlamasynda.
Al kelesi jaǵdaıda alaıaqtar jalǵan satyp alýshy retinde ınternette ІRhone nemese iPad-yn satpaq bolǵandarmen messendjer arqyly hat alysa bastaıdy. Jazysý barysynda alaıaq óziniń aıklaýdy barlyq modelderge kele bermeıtinin aıtyp, óziniń aıklaýdymen Іrhone-dy tekserý úshin logıni men qupııasózin jiberedi. Zardap shegýshi álbette, esh kúmánsiz bótenniń aıklaýdyn engizedi de, keıin barmaq tistep qalady.
Osydan keıin alaıaqtar buǵattalǵan uıaly telefondy qaıta iske qosý úshin QIWI elektrondy tólem arqyly aqsha jiberýdi usynady. Hat almasý barysynda alaıaq mobıldi telefondy buǵatttaýdan shyǵarýǵa arnalǵan tarıftik setkanyń tolyq nusqaýyn jiberedi.
Qazirgi ýaqytta atalmysh qylmysty jasaıtyn alaıaqtardy izdestirý jumystary júrgizilip jatyr, sonyń ishinde jańa tehnologııalardy paıdalaný arqyly. Polıtsııa qyzmetkerleri azamattarǵa abaı bolýǵa shaqyrady.
