Áıelshe kıingen erkek marqum anasynyń qujatymen nesıe almaq bolǵan
ASTANA. QazAqparat - Reseı astanasy Máskeýde áıel adamnyń kıimin kıgen er adam marqum anasynyń qujatymen nesıe almaqshy bolǵan, dep habarlaıdy «QazAqparat» HAA Máskeýdegi ІІM bas keńsesiniń baspasóz qyzmetine silteme jasap.
«Polıtseıler áıeldiń kıimin kıip, qaıtys bolǵan anasynyń qujatymen bank bólimshesinen nesıe almaqshy bolǵan er adamnyń qylmysyn áshkereledi»,-dep jazylǵan vedomstvo saıtynda .
Ol 75 myń rýbl kólemindegi nesıe kartasyn alýdy josparlaǵan. Bank qyzmetkerleri máskeýliktiń syrtqy poshymy men kórsetken qujatynan sekemdenip, birden polıtsııaǵa qońyraý shalǵan.
