Áıelin urǵan dıplomattyń ústinen qylmystyq is azaptaý faktisi boıynsha qozǵaldy

ASTANA. KAZINFORM – Іshki ister mınıstrligi áıelin 10 jyl boıy uryp kelgen qazaqstandyq dıplomatqa qatysty túsinikteme berdi. 

«Qylmystyq is azaptaý faktisi boıynsha qozǵaldy. Qazir onyń qaıda ekenin aıta almaımyn. Birinshiden, materıaldar saraptamaǵa jiberiledi, onyń nátıjeleri boıynsha sheshim qabyldanady. Aldymen saraptama nátıjelerin qarap, jaýap, saýalnamalar alý qajet, qazir protsedýralyq amaldar júrip jatyr», - dedi Іshki ister mınıstriniń orynbasary Igor Lepeha Májiliste BAQ ókilderiniń saýalyna jaýap bere turyp.

Eske salaıyq, Qazaqstannyń BAÁ-degi elshiliktiń keńesshisi Sáken Mamash áıeline únemi kúsh kórsetetini, tipti jubaıynyń ápkesine de qol kótergeni týraly aqparat taraǵan edi.

Bul fakti boıynsha qylmystyq is qozǵaldy. 

QR Syrtqy ister mınıstrligi zardap shekken qazaqstandyqtyń BAÁ-den otanyna oralýyna kómektesti. 

Karına Mamash Qazaqstanǵa balalarymen birge ushyp kelgen. Onyń anasy men ápkesi de daǵdarys ortalyǵyna ornalastyrylǵan.