Áıelin urǵan dıplomat isi: taǵy bir qylmystyq is qozǵaldy

ASTANA. KAZINFORM – Qazaqstandyq dıplomat áıelin 10 jyl boıy uryp kelgen. 

Eske salaıyq, bıyl 6 mamyrda Qazaqstannyń BAÁ-degi elshiliktiń keńesshisi Sáken Mamash áıeline únemi kúsh kórsetkeni, tipti jubaıynyń ápkesine de qol kótergeni týraly habarlaǵan edik. 
Іzin sýytpaı bul fakti boıynsha qylmystyq is qozǵaldy.

Elimizdiń Syrtqy ister mınıstrligi zardap shekken qazaqstandyqtyń BAÁ-den otanyna oralýyna kómektesti.

Karına Mamash Qazaqstanǵa balalarymen birge ushyp kelgen. Onyń anasy men ápkesi de daǵdarys ortalyǵyna ornalastyrylǵan.

Osydan birer kún buryn Karına Mamash jeke basyna qaıta qaýip tóngenin aıtty.

«Búgin meniń ájeme Gúlnara apa qońyraý shaldy, ol Sákendi úsh jasynan tárbıelegen úlken kelin. Meniń ájeme qońyraý shalyp, «Kesh bolmaı turyp, Karına shaǵymyn keri qaıtarsyn, áıtpese Sákenniń Astanada, tipti Qazaqstan boıynsha da dostary bar» ekenin aıtqan. Dostary ony (Karınany) adam tanymastaı etedi nemese óltiredi», - degen. Osydan soń  kúıeýinen jábir kórgen áıel jelidegi paraqshasynda úndeý jarııalady.

Atalǵan qaýipke baılanysty Astana qalasynyń Polıtsııa departamenti qylmystyq is qozǵaǵan.

«Azamat Karına Mamashqa qysym kórsetý faktisi boıynsha Esil aýdanynyń polıtsııa basqarmasy qylmystyq is qozǵady», - delingen habarlamada.

Sondaı-aq, polıtsııadan tergeý nátıjeleri boıynsha sheshim qabyldanatyny aıtyldy.