Áıelin únemi uryp kelgen eks-dıplomat Sáken Mamashtyń isi sotqa jiberildi
ASTANA. KAZINFORM — Burynǵy dıplomattyń isin endi sot qaraıdy. Bul týraly elorda sotynyń baspasóz qyzmeti habarlaıdy.
— Alǵashqy sot otyrysy 29 mamyrda ótedi. Іsti qylmystyq ister jónindegi aýdanaralyq sot qaraıdy, — delingen elorda soty taratqan habarlamada.
Aıta keteıik, Qazaqstannyń Birikken Arab Ámirlikterindegi elshiniń keńesshisi bolǵan Sáken Mamash bıyl 4 sáýirde qamaýǵa alyndy.
Eske sala ketsek, byltyr mamyrda Qazaqstannyń BAÁ-degi elshiliktiń keńesshisi Sáken Mamash áıeline únemi kúsh kórsetkeni, tipti jubaıynyń ápkesine de qol kótergeni týraly habarlaǵan edik.
Artynsha áıelin urdy dep aıyptalǵan qazaqstandyq dıplomatqa qylmystyq is qozǵaldy.
Sondaı-aq elshi keńesshisiniń áıeli Karına Mamash daǵdarys ortalyǵyna ornalastyryldy.
Keıin Karına Mamash jeke basyna qaıta qaýip tóngenin aıtty.
Osy jaıttan keıin áıelin urǵan eks-dıplomatqa qatysty taǵy bir qylmystyq is qozǵaldy.