Áıelin tanysymen birge zorlaǵan Túrkistan oblysynyń turǵyny sottaldy

TÚRKІSTAN. KAZINFORM - Saryaǵash aýdandyq sotynda Qazaqstan Respýblıkasy Qylmystyq kodeksiniń 120-baby 2-bóligi 1,2-tarmaqtarymen jáne 121-baby 2-bóligi 1,2-tarmaqtarymen sotqa berilgen qylmystyq is qaraldy.

Sottalýshy tanysynyń úıine jylytý júıesin ornatý úshin jubaıymen birge barǵan. Spırttik ishimdik ishken eki er adam mas kúıge jetip, sóz baılasyp, qylmystyq áreketin jalǵastyrady. ıAǵnı, avtokóliktiń artqy oryndyǵynda otyrǵan azamattyq nekedegi jubaıyn ustaramen qorqytqan. «Zorlap óltirip, mazarǵa ákemniń janyna kómip ketemiz, mazarda oryn bolmasa syrtyna kómip ketemiz» dep aıtyp, kúshpen seksýaldyq sıpattaǵy is-áreketter jasaǵan.

Sot otyrysynyń qorytyndysymen negizgi sottalýshy QR QK 121-baby 2-bóligi 1,2-tarmaqtarynda kórsetilgen qylmystyq quqyq buzýshylyqtardy jasaǵany úshin kináli dep tanyldy. Sot oǵan 10 jylǵa bas bostandyǵynan aıyrý jazasyn taǵaıyndady.

Al ekinshi sottalýshy QR QK 121-baby 2-bóligi 1,2-tarmaqtarynda kórsetilgen qylmystyq quqyq buzýshylyqtardy jasaǵany úshin kináli dep tanyldy. Sot sheshimimen ol 9 jyl 6 aı merzimge bas bostandyǵynan aıyryldy.

Úkim zańdy kúshine engen joq.