Áıelin pyshaqtap, ózi asylyp qaldy: Aqtóbede erli-zaıyptynyń ólimine qatysty is toqtatyldy

AQTÓBE. KAZINFORM – Erli-zaıypty azyq-túlik alatynyn aıtyp, úıden shyqqan. Jol boıynda janjaldasyp, marqum sottalýshy áıelin pyshaqtap tastaǵan.

Aqtóbe oblystyq qylmystyq ister jónindegi mamandandyrylǵan aýdanaralyq sotynda iz-túzsiz ketip, keıin óli kúıinde tabylǵan erli-zaıyptynyń isi qaraldy. Іs Qylmystyq kodekstiń 99-babynyń 1-bóligimen qozǵalyp, sotqa jetti. Aıyptalýshy retinde marqum Amanjol Almaǵanbetov tanylǵan. Іs materıalyna súıensek, 2025 jyldyń 20 qarashasy kúni A.Almaǵanbetov azyq-túlik satyp alatynyn aıtyp, áıelin kóligine mingizip alady.

Jolda áıelimen arada janjal bolyp, kólikti toqtatady. Keıin qolyna ashana pyshaǵyn alyp, kóliktiń artynda otyrǵan áıeliniń janyna jaıǵasady. Ony oryndyqqa jatqyzyp, aıaǵymen arqasynan basyp turyp, birneshe ret moınyn pyshaqpen osyp jibergen. Keıin sottalýshy sol kóligimen mal bazaryna baryp, 10 metrlik jip satyp alady.

Іs materıalynda sottalýshynyń sol mańdaǵy óndiristiń tseh ishine baryp, asylyp qalǵany týraly jazylǵan. Qylmystyq kodekstiń 99-baby 1-bóligimen aıyptalǵan A.Almaganbetov Qylmystyq-protsestik kodekstiń 35-baby 1-bóligi 11-tarmaǵyna sáıkes óndiristen toqtatyldy.

Sot úkimi zańdy kúshine engen joq.

Eske salsaq, byltyr erli-zaıypty joǵalyp, izdeý jarııalandy. Keıin olardyń denesi tabyldy.