Áıelin qyzǵanǵan: Kókshetaýda er adam terezeden sekirmek boldy

Kókshetaýda er adam kópqabatty úıdiń terezesinen sekirmekshi boldy, dep habarlaıdy QazAqparat tilshisi Aqmola oblystyq Polıtsııa departamentiniń baspasóz qyzmetine silteme jasap.

Vedomstvonyń málimetinshe, Kókshetaý qalalyq polıtsııa basqarmasynyń «Turan» kezekshi bólimine Eski áýejaı kóshesi boıyndaǵy kópqabatty turǵyn úıdegi páterlerdiń birinde otbasylyq-turmystyq janjal bolyp jatqandyǵy týraly qońyraý túsken.

«Anyqtalǵandaı, er adam jeti aı ózimen birge turmaıtyn áıelin qyzǵanyp, janjal shyǵarǵan. Artynsha, páterdiń terezesine shyǵyp, sekirmek bolǵan. Eshkimniń sózin tyńdamaǵan ony aǵasy kelip, raıynan qaıtardy», – dedi vedomstvodan.

Sonymen birge er adam áıelge dene jaraqatyn salyp, uıaly telefonyn syndyrǵan. Osyǵan baılanysty zardap shekken áıelden polıtsııaǵa aryz tústi.

«Bıylǵy jyldyń maýsym aıynda jubaıynyń shaǵymy boıynsha qorǵanys uıǵarymy shyǵarylǵan. Er adam minez-qulqyna baılanysty profılaktıkalyq esepte bolǵan», - dep tolyqtyrdy vedomstvodan.

Jalpy, Aqmola oblysynda sýıtsıdke oqtalýdyń 142 faktisi tirkelgen.