Áıeliniń betin tilgilep tastaǵan aqtóbelik sottaldy
AQTÓBE. QazAqparat – Aqtóbede sottalýshy S.Bekenovke qatysty qylmystyq is aıaqtaldy. Sot ony 4 jylǵa bas bostandyǵynan aıyrý jazasyn taǵaıyndady, dep habarlaıdy QazAqparat tilshisi.
№2 Aqtóbe qalalyq sotynda sottalýshy S.Bekenovke qatysty qylmystyq istiń úkimi oqyldy. Áıeliniń betin tilgilep tastaǵan aqtóbelik Qylmystyq kodekstiń «Densaýlyqqa qasaqana aýyr zııan keltirý» baby boıynsha aıypty dep tanyldy.
«S.Bekenov Qylmystyq kodekstiń «Densaýlyqqa qasaqana aýyr zııan keltirý» baby boıynsha aıypty dep tanylyp, 4 jylǵa bas bostandyǵynan aıyrý jazasy taǵaıyndalsyn. Ol jazasyn qaýipsizdigi ortasha túzetý mekemesinde ótesin», - dedi sýdıa Janat Qýanyshov.
Aıta keteıik, sottalýshy S.Bekenovtyń kinási tolyq dáleldendi. №2 qalalyq sottyń baspasóz qyzmetiniń habarlaýynsha, jábirlenýshi sottalýshyny bas bostandyǵynan aıyrmaýdy suraǵan. Degenmen sot qylmystyq istiń aýyr, qoǵam úshin qaýipti ekenin nazarǵa aldy.
Sot úkimi kúshine engen joq.
