Áıelinen qoryqqan Pavlodar turǵyny «meni urlap ketti» dep ótirik aıtqan
PAVLODAR. QazAqparat – 19 jastaǵy Albert Mýhamadeev 16 qarashada Pavlodar qalasy mańyndaǵy Lenın kentindegi úıinen shyǵyp, kelesi kúni ǵana izdestirilip jatqanyn bilgen. Sodan keıin anasy men áıeline habarlasyp, ózin bireýler zorlyqpen ustap otyrǵanyn jetkizgen, dep jazady QazAqparat.
«Birneshe kún buryn Instagram-daǵy pavlodarlyq pablıkterde 19 jastaǵy Albert Mýhamadeevtiń joǵalǵany týraly aqparat jarııalandy. Eki kún boıy jigitti tek polıtseıler ǵana emes, eriktiler de izdedi. Іzdeý nátıjesinde jas jigit aman-esen tabyldy», – dep habarlady Pavlodar oblystyq polıtsııa departamenti.
Vedomstvonyń málimetinshe, ol 16 qarashada Lenın kentindegi úıinen jumysyna qaraı bet alǵan.
Alaıda jol boıynda tanysynyń qyzyn kezdestirip qalyp, onymen birge Pavlodar hromzaýyty shaǵynaýdanyndaǵy tanysyna qydyryp ketken.
«Osy ýaqyt ishinde jigit sonda bolǵan. Ony tapqan sátte ózin bireýler urlap, eki apta qorqytyp ustady degendi aıtqan. Alaıda is júzinde jigit eki kún buryn úıinen ketip qalǵan jáne urlaý faktisi bolmaǵan», – dedi Pavlodar oblysy polıtsııa departamenti bastyǵynyń orynbasary Eldar Ábdikenov.
