Áıelin uryp-soqty degen kúdikpen ustalǵan Baýyrjan Ashyǵalıev 2 aıǵa qamaldy
ALMATY. QazAqparat - Almatyda tergeý soty áıelin uryp soqty degen kúdikpen ustalǵan Baýyrjan Ashyǵalıevti 2 aıǵa qamaýǵa alý týraly sanktsııa shyǵardy, dep habarlaıdy QazAqparat tilshisi.
«Qalalyq tergeý soty kúdikti Baýyrjan Ashyǵalıevti 2 aıǵa qamaý alý týraly bultartpaý sharasyn sanktsııalady. Oǵan kepilmen bosap shyǵýǵa tyıym salyndy. Sonymen qatar, oǵan QR QK 24-babynyń 3-bólimimen, 126-baby 2 bóliminiń 1-tarmaǵymen kózdelgen qylmystardy jasady dep aıyp taǵyldy», - dedi qalalyq sottyń baspasóz qyzmetinen.
Munyń aldynda Jacpot tobynyń ánshisi Ksenııa Ashyǵalıeva óziniń kúıeýi Baýyrjan Ashyǵalıevtiń uryp-soqqanyn aıtyp Feısbýktegi #NeMolchıKZ tobyna shaǵymdanǵan edi. Qylmystyq isti tekserý protsesin polıtsııa departamentiniń basshysy óz baqylaýyna aldy. Ksenııa Ashyǵalıeva «Jackpot» tobynyń ánshisi bolsa, onyń kúıeýi Baýyrjan Ashyǵalıev osy topta gıtarashy.
Almaty qalalyq Polıtsııa departamentiniń basshysy Serik Kúdebaev tergeý sharalary týraly aıtty.
«Bul derek boıynsha QR QK-niń 24-baby (qorlyq kórsetý) sotqa deıingi tergeý amaldary bastaldy. PD tergeý basqarmasy QR QK-niń 126-babynyń 2-bóligimen (bas bostandyǵynan zańsyz aıyrý) qosymsha is qozǵady»,- dedi Serik Kúdebaev.
