Áıelin urǵan atyraýlyq 10 táýlikke qamaldy
ASTANA. QazAqparat - Qyzylqoǵa aýdandyq sotynda 2017 jyldyń 15 shildesinen bastap qoldanysqa engizilgen Qazaqstan Respýblıkasynyń № 84-VI zańymen QR Ákimshilik quqyq buzýshylyq týraly kodeksi jańa 73-1, 73-2 baptarymen aıyptalǵan azamatqa qatysty ákimshilik is qaraldy, dep habarlaıdy QazAqparat Atyraý oblystyq sotyna silteme jasap.
«Quqyq buzýshy A.I. alkogolden masań kúıde óziniń zańdy nekedegi zaıyby J.S-ny uryp soǵyp, onyń densaýlyǵyna jeńil dárejedegi zııan keltirgen. Sotta jábirlenýshi J.S. bulaısha ózin urý birinshi ret emestigin aıtyp, zańdy sharasyn qoldanýdy surady. Sot qaýlysymen A.I. Qazaqstan Respýblıkasynyń ákimshilik quqyq buzýshylyq týraly Kodeksiniń 73-1-babynyń 1-bóliginde kózdelgen ákimshilik quqyq buzýshylyqty jasaýǵa kináli dep tanyp, oǵan 10 táýlikke ákimshilik qamaqqa alý jazasy qoldanyldy», - delingen sottyń taratqan habarlamasynda.
