Áıelin órtep jibergen Qanat Sádýovtiń isi sotqa joldandy
ASTANA. QazAqparat - Áıelin órtep jibergen Qanat Sádýovtiń isi sotqa joldandy, dep habarlaıdy Astana ІІD baspasóz qyzmetinen.
«QR QK-niń 99-babynyń 2-bólimi 5-tarmaqshasymen qarastyrylǵan qylmystyq quqyq buzýshylyqty jasaýda kúdikti tanylǵan Qanat Sádýovqa qatysty istiń sot aldyndaǵy tergeý materıaldary aǵymdaǵy jyldyń 30 qyrkúıeginde QR QPK-niń 300 babynyń tártibinde keıinnen Astana qalasynyń qylmystyq ister boıynsha Mamandandyrylǵan aýdanaralyq sotyna zerttelip, joldanýy úshin Astana qalasy «Saryarqa» aýdandyq prokýratýrasyna jiberildi.
Qazirgi ýaqytta prokýror aıyptaý aktin bekitip, is qaralý úshin sotqa jiberildi», - dep jazylǵan ІІD habarlamasynda.
Eske sala keteıik, aǵymdaǵy jyldyń mamyr aıynda Q. Sádýov Astanadaǵy №25 mektepte jumys istegen áıelin syrtqa shyǵaryp, ústine janarmaı quıyp órtep jibergen bolatyn. Denesin kúıik shalǵan áıel aýrýhanada esin jımastan kóz jumdy.
Jedel izdestirý sharalaranyń barysynda Q.Sádýov Aqmola oblysynyń Tselınograd aýdany aýmaǵynda ustaldy.
