Áıelin órtep jibergen Q.Sadýovty izdeý jumystary jalǵastyrylyp jatyr
ASTANA. QazAqparat - Astana qalasynyń polıtsııasy elordalyq mektepte muǵalim bolyp jumys istegen burynǵy zaıybynyń ústine benzın quıyp, órtep jibergen 43 jastaǵy Qanat Sadýovty izdeý jumystaryn jalǵastyryp jatyr.
«Astana qalalyq ІІD asa aýyr qylmys jasaǵany úshin 30.10.1972 jylǵy Sadýov Qanat Ǵaısaulyna izdeý salýda. Bul er adamnyń ornalasqan orny týraly aqparat bere alatyn azamattardy: (7172) 71-63-29, 71-60-29, 71-60-22, 71-60-10, na sot. telefony: 8-747-227-79-40, 8-778-917-05-78 telefon nómirlerine, 8-747-227-79-40, 8-778-917-05-78 uıaly telefondaryna habarlasýdy suraımyz. Esimderiniń atalmaýy jáne syıaqynyń berilýine kepil beriledi», - delingen búgin taratylǵan habarlamada.
Esterińizge sala keteıik, qylmysty 26 maýsym kúni № 25 orta mektep janynda 43 jastaǵy Qanat Sadýov jasaǵan. Er adam bul mektepte jumys istegen burynǵy zaıyby Svetlana Sadýovanyń ústine benzın quıyp, órtep jiberdi. Beti, moıyny, keýdesi men arqasyn termııalyq kúıik shalǵan áıel 2-shi jáne 3-shi dárejeli kúıik shogymen aýrýhanaǵa jetkizildi. Senbi kúni keshke muǵalim alǵan jaraqattarynan kóz jumdy.
S.Sadýovanyń artynda tórt balasy qaldy.
