Áıelin óltirip alǵan er adam mılıtsııaǵa ózi keldi
ASTANA. QazAqparat - Ystyqkól mańyndaǵy Tamshy aýylynda otbasylyq demalys kezinde er adam óz áıelin óltirip aldy, dep habarlaıdy Kabar.
Agenttiktiń habarlaýyna qaraǵanda, 14 tamyz kúni Qyrǵyzstan Respýblıkasy ІІM krımınaldy mılıtsııa qyzmetine óz áıelin óltirip alǵandyǵyn aıtyp Bishkek qalasynyń A.Ý.esimdi 49 jasar turǵyny kelgen. A.Ý. aıtýynsha, ol 11 tamyz kúni Talas oblysynyń týmasy, 36 jastaǵy áıelimen Ystyqkól oblysyndaǵy Tamshy aýylyna demalýǵa kelgen.
Demalys kúnderin ótkizýdi josparlaǵan olar jeke úı jaıdan bólme jaldaǵan. 12 tamyz kúni shamamen saǵat 22.30-da áıeli ekeýi spırttik ishimdik ishken. Sosyn erli-zaıyptylar arasynda kelispeýshilikter ornaǵan. Mas kúıdegi eri ashý ústinde áıelin qolymen býyndyryp óltirgen. Áıeliniń kóz jumǵanyn túsingende, jaldamaly bólmeni syrtynan jaýyp, ıesine taǵy bir kúnge aqshasyn tólep, bolǵan jaıdy mılıtsııa qyzmetkerlerine habarlaý úshin Bishkekke shyqqan.
Atalǵan derek boıynsha Qyrǵyz Respýblıkasy QK 97-baby boıynsha (adam óltirý) qylmystyq is qozǵaldy.
