Áıelin qyzǵanyshtan pyshaqtap óltirgen elorda turǵyny sottaldy
NUR-SULTAN. QazAqparat - Nur-Sultan qalasynyń qylmystyq ister jónindegi mamandandyrylǵan aýdanaralyq soty elorda turǵynyna qatysty qylmystyq isti qarady, dep habarlaıdy QazAqparat.
«Kylmystyq qýdalaý organy N. esimdi azamatqa qasaqana kisi óltirdi degen aıyp taqqan. Іs materıalynan anyqtalǵany, N. qyzǵanysh saldarynan mas kúıinde áıeline pyshaq salyp, nátıjesinde ol kóz jumady. Sot N.-ny adam óltirgeni úshin (QR QK-niń 99 b. 1 b.) kináli dep tanyp, ol 11 jylǵa bas bostandyǵynan aıyryldy» delingen habarlamada.
Úkimge apelıatsııalyq shaǵym berilip, ózgerissiz qaldyryldy.
