Áıelin qutqarmaq bolǵan aqtóbelik sýǵa batyp ketti

AQTÓBE. QazAqparat – Elek ózeniniń jaǵasyna tynyǵýǵa baryp, sýǵa batyp bara jatqan áıelin qutqarmaq bolǵan aqtóbelik sýǵa ketti, dep habarlaıdy QazAqparat tilshisi.

30 mamyr kúni oblystyq tótenshe jaǵdaılar departamentiniń kezekshi bólimine eki adamnyń sýǵa batyp bara jatqany týraly aqparat tústi. Olar Aqtóbe qalasy Shıe baǵy baý-baqsha ujymynda demalyp, Elek ózenine sýǵa túsken.

«Sý aıdyndaryn aralaý jumystaryn júrgizip júrgen qalalyq tótenshe jaǵdaılar basqarmasy qyzmetkerleri 59 jastaǵy áıeldi qutqardy. Al sýǵa batyp bara jatqan áıelin qutqarmaq bolǵan 60 jastaǵy aqtóbelikti aman alyp qalý múmkin bolmady. Jedel qutqarý jasaǵynyń kúshimen azamattyń denesi sý túbinen 2,5 metr tereńnen shyǵaryldy», - dep habarlaıdy oblystyq TJD baspasóz qyzmeti.