«Áıelin ardaqtaǵan qoǵam alǵa basady» - respýblıkalyq basylymdarǵa sholý

ASTANA. 5 naýryz. QazAqparat - Qazaq aqparat agenttigi respýblıkalyq basylymdarda 5 naýryz, senbi kúni shyqqan ózekti materıaldarǵa sholýdy usynady.

***

Áıel janynyń jań­ǵy­ryǵy degende, ony jurttyń qoǵam arynyń aınasy ispetti qabyldaýy beker emes desek, jańǵyrý, jańarý, jalǵasý Ana atty alyp atpen baılanysty. Otan-Ana, Jer-Ana, Ta­bıǵat-Ana bolyp, eń asyl ataýlarmen qosar­lana aıtylýynyń ózi bul uǵymdy barynsha ulyqtata túsedi. Sondyqtan da «bir qoly­men besikti, al ekinshi qolymen álemdi ter­bet­ken» áıel-ananyń qudireti jaı­ynda qan­sha áńgime qozǵasaq ta artyq­tyq etpeıdi. «Egemen Qazaqstan» gazetiniń búgingi nómirindegi Eń­bek jáne halyqty áleý­met­tik qorǵaý mınıstri, Prezıdent janyndaǵy Áıelder isteri jáne otbasylyq-demogra­fııa­lyq saıasat jónindegi Ulttyq komıssııanyń tóraıymy Gúlshara Ábdiqalyqovamen bolǵan suhbatta, mine, osy jáne munan da basqa máseleler sóz bolady. Suhbattyń tolyq nusqasyn «Áıelin ardaqtaǵan qoǵam alǵa basady» degen taqyryppen jarııalanǵan maqaladan oqı alasyzdar.

«Egemen Qazaqstan» gazetiniń habarlaýynsha, Memleket basshysy Nursultan Nazarbaev Qazaq­stan Respýblıkasy Parlamenti Májilisiniń Tóraǵasy Oral Muhamedjanovty qabyldady. O. Muhamedjanov Prezıdentti Parlament Májilisiniń zań shyǵarmashylyq jumysy, «Nur Otan» HDP parlamenttik fraktsııasynyń qyzmeti týraly habardar etti. «Men Elbasyǵa Prezıdenttiń Qazaqstan hal­qyna Jol­daýyna sáıkes 2011-2013 jyldarǵa arnalǵan res­pýb­lıkalyq bıýdjetke túzetýler engizý jóninde qandaı ju­mys­tar atqarylǵany týraly aqparat berdim», - dep atap kórsetken O.Mu­ha­med­­janov jýrnalısterge arnalǵan brıfıngte.

***

«Ortalyq saılaý komıssııasynyń tóraǵasy Qýandyq Turǵanqulovtyń ókimimen kezekten tys prezıdenttik saılaýdyń aqparattyq daýyn qarastyratyn Qoǵamdyq keńes qurylyp, onyń jetekshiligine komıssııa múshesi Lázzat Súleımen taǵaıyndaldy», - dep jazady «Aıqyn» gazeti senbilik sanyndaǵy «Aqparattyq daýdy qarastyratyn qoǵamdyq keńes» degen maqalasynda. Basylymnyń atap ótýinshe, qoǵamdyq keńes otyrystary keńes músheleriniń jalpy sanynyń úshten ekisi bolǵan kezde zańdy. Qoǵamdyq keńestiń sheshimderi kópshilik daýysymen qabyldanady jáne usynymdyq sıpatta bolady. Qabyldanǵan sheshimder buqara halyqqa BAQ jáne OSK-nyń resmı saıty arqyly jetkiziledi.

«Qalada turyp «Altyn alqa» ıegeri atanýǵa bola ma?» Talaıdyń kókeıinde júrgen osy saýal búgin «Aıqyn» gazetinde kóterilip, oǵan altyn alqa ıegerleri Bátes Báıkenova men Láılá Noǵaıqyzy Dáýlet jáne «Almaty aqshamy» gazeti bas redaktorynyń birinshi orynbasary Ánýarbek Áýelbekov jaýap beripti. Máselen, B.Báıkenova: «Altyn alqa» ıegeri atanǵan áıel-analardy jeke páter alý kezegine qoıý kerek. Olardyń otbasy músheleriniń jumyspen qamtylýyna Úkimet qol ushyn bergeni durys. Sonda aýyldyq jerlerde ǵana emes, qalada da «Altyn alqaǵa» úmitker analardyń sany kóbeımese azaımaıtyny aqıqat», - deıdi.

***

«Alash aınasy» gazetiniń senbilik nómiriniń «Dat!» aıdarynda «Azattyq» radıosynyń veb-redaktory, álıhantanýshy-ǵalym Sultan Han Aqqululymen aradaǵy suhbat «Álıhan qazaqty bolashaǵy zor, óte daryndy halyq dep súıgen» degen taqyryppen jaryq kórdi. Basylym tilshisiniń árbir saýalyna egjeı-tegjeıli jaýap bergen ol: «Biz ótken tarıhymyzdy tolyq zerttep, jete meńgermesek te, kúni keshegi Alashordanyń, arystarymyzdyń tarıhyn jaqsy bilýimiz kerek. Búgingi urpaq HH ǵasyr basyndaǵy qazaqtyń Táýelsiz el bolyp, eńse túzeýi jolynda qanyn qıyp, janyn bergen tulǵalarymyzdy kóbine bilmeıdi. Bolashaǵy zor el bolamyz desek, osyndaı ulaǵatty isti urpaq jadynda máńgige qaldyrýymyz kerek», - deıdi.

Osydan segiz jyl buryn shaıtanarbamen Qazaqstannyń on tórt oblysyn túgel aralap shyqqan Oljabaı aqsaqal kelesi baǵytyn Mekke-Mádınaǵa burmaqshy. Bul jaıynda «Alash aınasy» gazetindegi «Belesebetpen qajylyqqa atanbaqshy» degen maqalada keńinen baıandalǵan. «Jıhanger qarııanyń kelesi baǵyty Mekke-Mádına bolmaqshy. Musylmannyń bes paryzynyń biri - qajylyq saparyn ata-babalarymyz búgingi urpaǵynan ózgeshe atqarǵany anyq. Qasıetti oryndarǵa jaıaý ne basqa kólikpen barǵan. Qazir jurt ushaqpen ushyp baryp qaıtady. Oljabaı aqsaqaldyq oılaǵany bir basqa - qııandaǵy qasıetti jerge velo-jorǵasymen attanbaq», - dep jazady basylym.

***

«Parlament Senatynyń Tóraǵasy Qasym-Jomart Toqaev Halyqaralyq energetıkalyq agenttiktiń (HEA) atqarýshy dırektorynyń orynbasary Rıchard Djonsty qabyldady», - dep jazady «Kazahstanskaıa pravda» gazeti. Basylymnyń jazýynsha, QR men HEA arasyndaǵy yntymaqtas­tyq máseleleri boıynsha pikir almasý barysynda álemdik energetıkalyq qaýipsizdikti qamta­ma­syz etýdegi bizdiń elimizdiń ma­ńyzdy róli atap ótilgen. Sondaı-aq kezdesý barysynda júzde­sý­shiler Taıaý Shyǵys pen Soltústik Afrıkadaǵy jaǵdaıdy da tal­qy­laǵan.