Áıelimen ursyp qalǵan aqtóbelik kóshede beıtanys adamǵa oq atty
Oqıǵa túnde saǵat 02:00 shamasynda tirkeldi.
Polıtsııanyń 102 pýltine Hromtaý qalasy Jubanov kóshesindegi úıdiń aýlasynda belgisiz adamǵa oq atylǵany týraly habar tústi.
«Kúdiktini ustaý úshin oqıǵa ornyna dereý polıtsııa jasaǵy jiberildi. Polıtsııa kapıtany Maqsat Dastan men polıtsııa aǵa leıtenanty Jylqaıdar Juldyzbek óz ómirin qaterge tigip, oq atqan adamdy ustady. Ol Hromtaý qalasynyń 50 jastaǵy turǵyny bolyp shyqty. Belgili bolǵandaı, kúdikti áıelimen janjaldasyp, keıin kópqabatty úıdiń aýlasyna shyqqan. Ótip bara jatqan adamǵa oq atqan. Jábirlenýshi ıyǵynan jaraqat aldy»,- dedi oblystyq PD baspasóz qyzmeti.
Aıta keteıik, Qylmystyq kodekstiń «Buzaqylyq» baby boıynsha qylmystyq is qozǵaldy. Sotqa deıingi tergeý júrgizilip jatyr.
Eske salsaq, Aqtóbede túngi klýbtaǵy eki adamnyń ólimine qatysty is sotqa tústi.
Barlyǵy 16 aıyptalýshy Qylmystyq kodekstiń birneshe baby boıynsha jaýap beredi. Oqıǵa byltyr qazan aıynda boldy.
Aqtóbedegi Elek ózeniniń jaǵasynan eki adamnyń denesi tabyldy.
Ekeýin de qınap óltirgen. Aqtóbe oblysy prokýrorynyń kómekshisi Órken Eşanovtyń habarlaýynsha, habar aldymen qalalyq polıtsııa bólimi jedel basqarý ortalyǵyna túsken.
Posmotret etý pýblıkatsııý v Instagram
