Áıeli kúıeýin eki jyl boıy qamaýda ustap kelgen
ASTANA. QazAqparat - Perýde, Hýaýıan aýylynda polıtsııa jergilikti turǵyndy «áıeliniń tutqynynan» bosatty, dep habarlady The Metro. Zardap shegýshi 86 jastaǵy Pablo Tamaraıs Korakılo eki jylyn lashyq úıde qoly kisendeýli kúıde ótkizgen.
Bosatylǵan Pablo polıtseılerge áıeli ózin tastap ketedi dep qoryqqannan keıin osyndaı qadamǵa barǵanyn aıtty. Osy ýaqyt ishinde zardap shegýshi adam tanymastaı ózgerip, qatty aryqtaǵan. Quqyq qorǵaý organdary ony tapqan kezde tipti ornynan áreń qozǵalǵan.
Polıtsııaǵa áıeldiń aqylǵa syıymsyz minez-qulqy jaıly kórshileri habarlaǵan. Olar áıeldiń eriniń qolyna kisen taǵatynyn anda-sanda baıqaǵan, biraq jaman oıǵa boı aldyrmaǵan, al turaqty kisendep ustaǵanynan beıhabar bolǵan. Áıeldiń áreketinen sekemdengen kórshi er adam polıtsııany shaqyrýdy jón sanaǵan.
Tutqyn bosatylyp, qazir aýrýhanada jatyr, al onyń jubaıy qaıda, ony qandaı jaza kútip tur, ol jaǵy belgisiz.
