Áıeli bástesip kúıeýin órtep jiberdi
ASTANA. 25 jeltoqsan. QazAqparat - Zabaıkale aımaǵynyń turǵyny ózimen birge turatyn er adammen bástesip, onyń ústine benzın quıyp, órtep jibergen. Bul oqıǵa Karym aýdanynyń Darasýn kentinde oryn aldy.
Azamattyq nekedegi áıel men er adam spırttik ishimdik iship, «jyndy» sýdyń býyna ábden qyzǵan ekeýi "áıeli kúıeýin tirideı órtep jibere ala ma" degen másele tóńireginde sózge kelip bástesken. «Zardap shekken er adamnyń azamattyq nekedegi áıeli kúıeýiniń ústine kanıstrdegi benzındi shashyp, jaǵyp jibergen», - dep jazylǵan Reseıdiń Zabaıkale aımaǵy quqyq qorǵaý organdarynyń habarlamasynda.
Bástesýden utylǵan er adam úshinshi jáne tórtinshi deńgeıdegi kúıikpen aýrýhanaǵa jatqyzyldy. Tergeý barysynda er adam azamattyq nekedegi áıeline eshqandaı narazylyǵy joq ekenin málimdedi.
