Áıelge – jeton, kúıeýine – elektrondy bilezik: Qyrǵyzstan otbasyndaǵy zombylyqpen qalaı kúrespek
Qyrǵyzstan Respýblıkasynyń Ádilet mınıstrligi Jogorký Kenesh qaraýyna tergeýdegi kúdiktilerge elektrondy bilezik taǵýdy qarastyratyn zań jobasyn usyndy. Bul týraly áıelderge qatysty zorlyq-zombylyqtyń aldyn alý máseleleri jónindegi keńes barysynda Ádilet mınıstri Aıaz Baetov málim etti. Kazinform bul týraly Kabar aqparat agenttigine silteme jasap habarlaıdy.
Onyń aıtýynsha, bul tehnologııa úıqamaqqa alý rejımin buzý jaǵdaılarynyń sanyn azaıtýǵa, sondaı-aq quqyq qorǵaý organdarynyń tıimdiligin arttyrýǵa septigin tıgizedi.
Mınıstr atap ótkendeı, bilezikter sondaı-aq, otbasyndaǵy zorlyq-zombylyq máselesin sheshýde tıimdiligin kórsetetin bolady.
«Otbasynda zardap shekken adamǵa qorǵaý orderiniń ornyna –arnaıy jeton, al zorlyq-zombylyq jasaýshyǵa elektrondy bilezik beriledi. Zorlyqshy zardap shekken adamǵa 1 shaqyrymnan az qashyqtyqta jaqyndaǵan kezde dabyl belgisi iske qosylady. Bul jaǵdaıda dabyl belgisi tek jetonǵa emes, quqyq qorǵaý organdaryna da túsedi», — dep túsindirdi Baetov.
Vedomstvo basshysynyń atap ótýinshe, qazirgi ýaqytta mınıstrlik elektrondy bilezikterdi engizýge tolyq daıyn, biraq Jogorký Kenesh zań jobasyn áli qarastyrǵan joq.
