Áıeldiń turmysqa shyǵý týraly oıy men sheshimin saǵat dybysy jedeldedi - AQSh ǵalymdary
ASTANA. QazAqparat - AQSh ǵalymdarynyń zertteý nátıjesi boıynsha, saǵattyń júrisin estip otyryp oılanǵanda áıel turmysqa shyǵýǵa daıyn bolady eken, dep jazady «Rosbalt».
Saǵattyń júrisine mán bergen kezde áıelder kóbine tezirek turmysqa shyǵyp, balaly bolýdy eriksiz oılap ketedi. Ony AQSh ǵalymdarynyń eksperımenti dáleldedi.
Myjane.ru. saıtynyń jazýynsha, ǵalymdar synaǵyna 59 adam qatysqan. Іshinde erler de, áıelder de bolǵan. Tapsyrma boıynsha, olardyń barlyǵyna qashan turmys qurǵysy keletini týraly ortaq suraq qoıylady. Biraq, alǵashqysynda olar typ-tynysh bólmede otyryp oılansa, synaqtyń ekinshi kezeńinde bólmege saǵat ákelinip, onyń júrisin estip otyryp oılaný kerek bolady.
Arnaıy synaq júrgizgen zertteýshiler saǵat júrisiniń dybysy qatysýshylardyń barlyǵyna áser etkenin aıtady. Saǵat júrisi olardy qatty oılandyrǵany sonshalyq, aldyńǵy synaqtaǵydaı eki oıly qylmaı, erterek otbasyn qurý kerek degen sheshimge keltirgen.
Ásirese, saǵat áıelder sheshimine aıtarlyqtaı yqpal etken. Olar sol sátte turmysqa shyǵyp, balaly bolýǵa daıyn ekenin túsinip qana qoımaı, usynys bolsa, sheshim qabyldaýǵa ázir da bolǵan. Al er adamdar erterek úılený kerek eken dep qana oılaǵan, dep jazady sheteldik BAQ.
