Áıeldi qaǵyp ketip, izin sýytqan júrgizýshi RF azamaty bolyp shyqty - Qaraǵandy oblysy
QARAǴANDY. QazAqparat - Qaraǵandyda Reseı Federatsııasynyń azamaty áıel adamdy kóligimen qaǵyp ketip, oqıǵa ornynan izin sýytqan, dep habarlaıdy «QazAqparat» HAA tilshisi.
«Naýryz merekesi - 22 naýryz kúni saǵat 22:00-de belgisiz júrgizýshi Muqanov kóshesiniń boıymen Ońtústik-Shyǵystaǵy avtostantsııaǵa qaraı bara jatyp, jaıaý júrginshini kóligimen qaǵyp ketedi jáne ózi oqıǵa ornynan izin sýytady», - dep habarlady óńirlik ishki ister departamenti baspasóz qyzmetiniń basshysy Baqytjan Qudııarov.
Eske sala keteıik, jaraqat alǵan áıel aýrýhanaǵa jetkizildi. Polıtseıler avtoservıstegi barlyq mashınalardy tekserip, jol apaty oryn alǵan sátte sol aýdannan ótken barlyq kólikterdi adresteri boıynsha jaýap aldy.
«Jedel-izdestirý is-sharalary barysynda ІІD jergilikti polıtsııa qyzmetiniń izdestirý bóliminiń mamandary Qaraǵandynyń ortalyǵynda ornalasqan avtoservısterdiń birinen zaqym belgileri bar «Ford-Fokýs» mashınasyn taýyp alady. Avtoservıs bokstarynyń birinen mashına júrgizýshisi - 33 jastaǵy Reseı Federatsııasynyń azamaty tutqyndaldy», - dep habarlady Baqytjan Qudııarov.
Er kisi júrginshini qaǵyp ketkennen keıin jaýapkershilikten qorqyp, qashyp ketkenin moıyndady. Oǵan qatysty QR QK 345-babynyń 2-tarmaǵy «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» boıynsha qylmystyq is qozǵaldy.
