Áıeldi elektroshokermen qorqytyp, tonamaq bolǵan qostanaılyqtar qolǵa tústi
QOSTANAI. QazAqparat - Qostanaı qalasy ІІB «Soltústik» bólimshesiniń qyzmetkerleri áıeldi tonamaq bolǵan qala turǵyndaryn ustady, dep habarlaıdy QazAqparat.
Oblystyq ІІD baspasóz qyzmetiniń málimetinshe, eki er adam ózderin kommýnaldyq qyzmet mamandary dep tanystyryp, áıeldi tonamaq bolǵan. Olar jábirlenýshini elektroshokermen qorqytqan. Biraq, áıel buzaqylarǵa qarsy turyp, kómek shaqyrdy.
«Kúdiktiler oqıǵa ornynan qashyp ketken. Jedel iz kesý sharalary barysynda 31 jáne 37 jastaǵy Qostanaı qalasynyń turǵyndary qolǵa tústi. Olarǵa qatysty QR QK 192-baby («Tonaý») boıynsha sotqa deıingi tergep-tekserý sharalary júrgiziliýde», - dep habarlady vedomstvonyń baspasóz qyzmeti.
Polıtseıler kúdiktilerdiń 2017 jyldyń tamyz aıynda Qostanaıdaǵy sport kesheninde 2 mln teńge urlaǵanyn anyqtady. Іs tergelip jatyr.
