Áıelderi bilimdi er adamdar basqalarǵa qaraǵanda uzaq ómir súredi - ǵalymdar
ASTANA. QazAqparat - Shvetsııa ǵalymdarynyń málimdeýinshe, áıelderi bilimdi er adamdar basqalarǵa qaraǵanda uzaq ómir súredi. Olar 1.5 mln. otbasylyq juptyń qatysýymen zertteý júrgizdi.
Anyqtalǵandaı, ómirlik serigi retinde bilimdi jáne mádenıetti áıeldi tańdaǵan er adamdardyń ómir jasy uzaqǵyraq bolady. Bul rette, zertteýshilerdiń aıtýynsha, er adamnyń óz bilimi qandaı ekeni mańyzdy emes.
Másele saýatty jáne bilimdi áıeldiń otbasynyń tamaqtanýyna erekshe mán beretininde bolyp otyr. Ol ózin jáne úı ishindegilerge paıdaly tamaq berýge tyrysyp otyrady. Úıdiń turmysy, ómir saltyna qatysty mańyzdy sheshimder - onyń moıynynda.
Bilimdi áıel tabıǵat aıasyna shyǵyp, fıtnes, sportpen shuǵyldanýǵa qyzyǵýshylyq bildiredi, durys kún tártibin saqtaý, durys uıyqtaý jáne tamaqtanýdyń qanshalyqty mańyzdy ekenin túsinedi. Osynyń bárin esepke ala otyryp, dana áıel jubaıyn da salaýatty ómir saltyna baýlıdy, dep jazady sheteldik BAQ.
