Áıelderge qatysty barlyq kemsitýshilik kórinisterin joıý týraly Konventsııaǵa qatysty baıandamanyń jobasy qaraldy

Esterińizge sala keteıik, Qazaqstan Áıelderge qatysty barlyq kemsitýshilik kórinisterin joıý týraly konventsııaǵa 1998 jyly qosyldy. Atalmysh Konventsııanyń 18-shi babynda oǵan qatysýshy memleketter 4 jylda bir ret BUU-na Konventsııanyń júzege asyrý barysy týraly baıandap otyrady. Osyǵan qaraı Qazaqstan ókilderi BUU-na alǵashqy baıandamany 1999 jyly usynǵan. Al 2004 jyly onyń júzege asyrylý barysy týraly ekinshi baıandama usynyp, ol 2007 jyly qaraldy. BUU-nyń áıelderge qatysty kemsitýshilikter jónindegi komıtetiniń 2007 jyldyń 37-shi sessııasyndaǵy qorytyndy eskertýlerine sáıkes, birlesken úshinshi jáne tórtinshi baıandama 2011 jyly jasalýy

qajet bolatyn. Búgingi májiliste qaralǵan osy úshinshi jáne tórtinshi birlesken baıandamada 2004-2010 jyldar aralyǵynda Qazaqstan Respýblıkasynda bolǵan áleýmettik-ekonomıkalyq salada bolǵan ózgerister men Áıelderge qatysty barlyq kemsitýshilik kórinisterin joıý týraly konventsııanyń júzege asyrylý barysy týraly málimetter qamtylǵan. Atalmysh qujat QR Prezıdenti janyndaǵy Áıelder isi jáne otbasylyq-demografııalyq saıasat jónindegi komıssııa men onyń ókildikteriniń jáne elimizdiń mınıstrlikteri men vedomstvolary málimetteri negizinde daıyndalǵan. Qujatty daıyndaý isine úkimettik emes jáne halyqaralyq uıymdardyń ókilderi qatysty.

Otyrys barysynda osy qujatta kórsetilgen málimettermen tanystyrǵan G.Ábdihalyqova elimizdiń joǵary zań shyǵarý organy - Parlamentte 21 áıel azamat bar ekendigin atap kórsetti. «Bul barlyq depýtattardyń 14 paıyzy. ıAǵnı osynyń aldyndaǵy Parlament depýtattaryna qaraǵanda áıelder sany 2 esege artqan.

Sondaı-aq jergilikti atqarýshy organdardaǵy máslıhat depýtattarynyń 17 paıyzy áıelder. Al Qostanaı oblysynyń máslıhatynda názik jandylar 30 paıyzǵa jetken. Qazaqstan úkimetinde 3 mınıstr men 4 jaýapty hatshy, 4 vıtse-mınıstr bar. Al oblys ákimderiniń áıel orynbasarlary - 5. Sondaı-aq 3 áıel azamat aýdandardy basqaryp otyr»,-dedi mınıstr.