Áıelderge avtokólik júrgizýge bolmaıdy
ASTANA. 29 qazan. QazAqparat - Saýd Arabııasynda tártip saqshylary avtokólik jarysyna qatysqany úshin 16 áıelge aıyppul saldy.
muslim.kz habarlaýynsha, Er-Rııad polıtsııasynyń baspasóz qyzmetiniń ókili polkovnık Faýaz Mımannyń aıtýynsha, olardyń árbireýi 80 dollardan aıyppul tólegen. Buǵan qosa, polıtsııa qyzmetkerleri olardan kólik júrgizýden bas tartqany týraly akti toltyrtyp, al kúıeýlerin avtokóliktiń kiltin áıelderine ustatpaýǵa mindettegenin jetkizdi.
Bul elde 1990 jyldan bastap áıelderge avtokólik júrgizýge tyıym salynǵan. Degenmen, bul tyıym zańmen bekitilmegen. Al bul tyıymǵa «pysqyrmaǵan» áıelderdi resmı túrde jazalaıdy. Mundaı shara 1999 jáne 2011 jyldary júrgizilgen edi. Sońǵy ýaqytta atalmysh tyıymnyń kúshin joıýdy áıeldermen qatar erler de talap etip otyr.
