Áıelderdiń zeınet jasyn ulǵaıtý máselesinde dúrligýdiń esh qajeti joq - G. Ábdihalyqova
ASTANA. 27 shilde. QazAqparat - Áıelderdiń zeınet jasyn ulǵaıtý máselesi ázirshe talqylaný ústinde.
Bul týraly búgin Bnews.kz portalynda ótken onlaın-konferentsııada Eńbek jáne halyqty áleýmettik qorǵaý mınıstri Gúlshara Ábdihalyqova málim etti.
«Dúrligýdiń qajeti shamaly, ázirshe eshqandaı sheshim qabyldanaıyn dep jatqan joq», - dedi jýrnalısterdiń qoıǵan suraǵyna jaýap qaıyrǵan mınıstr.
Degenmen G. Ábdihalyqovanyń atap ótkenindeı, erte me kesh pe áıel men erkek zeınetaqymen qamtamasyz etýde teń quqyqqa ıe bolmaq.
«Erte me, kesh pe áıelder men erkekter zeınetaqymen qamtamasyz etýde de, eńbek qatynastarynda da teń quqyqqa ıe bolýlary kerek. Zeınetaqy aýdarymdary, jalpy talaptar barlyǵyna da teń bolýy shart. Sebebi ortaq júıede de, jınaqtaýshy júıede de barlyǵy eńbekke qatysýyna baılanysty qurylady», - dedi mınıstr.
«Bul qazir qabyldana salmaýy tıis. Osy máseleni jan-jaqty talqylaýymyz qajet. Múmkin keıbireýler ortaq júıege de, jınaqtaýshy júıege de qatysqan bolýy kerek. Birinshi kezeńde múmkin buny erikti túrde engizetin shyǵarmyz», - dep túıindedi sózin vedomstvo basshysy.
