Áıelderdiń zeınet jasyn kóterýdi toqtatý kezinde qansha qarjy jumsalady

ASTANA. QazAqparat – QR Premer-Mınıstriniń orynbasary – Qarjy mınıstri Erulan Jamaýbaev áıelderdiń zeınetke shyǵý jasyn kóterýdi 2028 jylǵa deıin toqtatý kezinde jumsalatyn qarajat somasy týraly aıtty, dep habarlaıdy QazAqparat tilshisi.

«Aldyn ala esepteýlerge toqtalsaq, 2023 jyldan 2027 jyl aralyǵynda shamamen 800 mlrd teńge bolady», - dedi E. Jamaýbaev Májilistiń jalpy otyrysynan keıin tilshiler saýalyna jaýap bere otyryp.

Budan buryn habarlanǵandaı, bıyl qyrkúıek aıyndaǵy Joldaýynda Memleket basshysy Qasym-Jomart Toqaev Qazaqstanda áıelderdiń zeınetke shyǵýy 61 jas deńgeıinde qalatynyn aıtty.

«Áleýmettiń talap-tilegin eskere otyryp, áıelderdiń zeınet jasyn 2028 jylǵa deıin 61 jas deńgeıinde qaldyramyz. Biryńǵaı jınaqtaýshy zeınetaqy qorynyń tıimdi ınvestıtsııalyq strategııasyn ázirleý qajet», - dedi Prezıdent.