Áıelderdiń shomylý kıimin kıgen ury ustaldy
SEMEI. QazAqparat - Áıelderge arnalǵan shomylý kıimin kıip, ózen jaǵasynda júrgen semeılik jigit qamaýǵa alyndy. Bul týraly QazAqparat Shyǵys Qazaqstan oblystyq ІІD-niń baspasóz qyzmetine silteme jasap habarlaıdy.
30 jastaǵy qala turǵyny áıel adamdardyń shomylýǵa arnalǵan kıimin kıip Ertiske demalýǵa barǵan. Muny kórgen demalýshylar ony «názik jandy» jigitterdiń qataryna qosqan. Osylaısha kópshiliktiń kóńilin ózine aýdarǵan azamatty polıtsııa qyzmetkerleri dereý ustap, Áýezov polıtsııa bólimine jetkizdi. Ol áıelderdiń shomylý kıimin erlerdiń kúreske kıetin formasymen shatastyryp alǵanymen túsindirdi. Biraq ony urlap alǵanyn jasyrmady.
"Semeı qalalyq Іshki ister bólimine qaladaǵy bazarlardyń biriniń býtık ıesi aryzdanǵan. Aıtýynsha, belgisiz bireý býtıktiń qulpyn buzyp, ishindegi kıim-keshekterdi qoldy etken. Jalpy shyǵyn kólemi - 900 myń teńge. Onyń ishinde áıelderdiń shomylýǵa arnalǵan kıimi de bolǵan. Polıtsııa qyzmetkerleri 1 apta boıy urynyń jeke tulǵasyn anyqtaýǵa tyrysqan. Aqyry, Ertiste demalyp júrgen jerinen qolǵa túsirdi», - delingen departament taratqan aqparatta.
Sonymen qatar azamat tergeý kezinde basqa da urlyqtarǵa qatysy bar ekenin moıyndady. Ol kórshi dúkennen bir qap kartop, bir qorap qyzanaq jáne qııar urlaǵanyn aıtty. Buǵan deıin birneshe ret «Urlyq» baby boıynsha sotty bolǵan azamat ýaqytsha ustaý ızolıatoryna toǵytyldy. Qazir sotqa deıingi jumystar júrip jatyr.
