Áıelderdiń erlermen salystyrǵanda ómir súrý uzaqtyǵynyń aıyrmasy - 10,5 jas
ASTANA. Qańtardyń 13-i. QazAqparat - 2009 jyldyń qańtar-qarashasynda respýblıkada dúnıege kelgen nárestelerdiń sany 2008 jyldyń sáıkes kezeńindegi kórsetkishterden 0,7 paıyzǵa az,
dep habarlaıdy QazAqparat QR Statıstıka agenttigine silteme jasap.
Agenttiktiń málimetterine sáıkes, 2009 jyldyń 11 aıynda Qazaqstanda 332,1 myń (2008 jyldyń qańtar-qarashasynda 334,5 myń) bala dúnıe esigin ashqan.
2009 jylǵy qańtardyń 1-ine deıin respýblıka halqynyń jalpy sanynan 15 jasqa deıingi balalardyń úlesi - 24,2 paıyzdy, 15-64 jas aralyǵyndaǵylar - 68,4 jáne 65-ten asqandar - 7,4 paıyzdy qurady. Vedomstvonyń anyqtaýynsha, 14-28 jas aralyǵyndaǵy jastardyń sany atalmysh jyldyń basy men 1999 jyldyń qańtary aralyǵynda - 12,6 paıyzǵa, al 20 men 30 aralyǵyndaǵylar - 15,6 paıyzǵa artqan.
«1998 jyldan beri respýblıkada ómir súrý uzaqtyǵy kórsetkishiniń artý úrdisi baıqalýda. Bul rette erler men áıelderdiń ómir súrý uzaqtyǵy arasyndaǵy aıyrmanyń dınamıkasy birkelki emes. Máselen, áıelderdiń erlermen salystyrǵandaǵy ómir súrý uzaqtyǵynyń aıyrmasy 1999 jyly 10,3 jas bolsa, ol 2007 jyly 11,9 jasqa artty. Degenmen, 2008 jyly bul kórsetkishtiń 10,5 jasqa deıin tómendeýi baıqaldy», - dep atap ótti Agenttikten.
