Áıelderdiń barýyna tyıym salynǵan japon araly ıÝNESKO-nyń tizimine engizildi
ASTANA. QazAqparat - Tek er adamdardyń ǵana kirýine ruqsat etilgen kóptegen ǵıbadat keshenderi ornalasqan Japon araly Okınosıma (Fýkýoka prefektýrasy) ıÝNESKO-nyń Búkilálemdik mura nysandarynyń tizimine engizildi, dep habarlaıdy moya-planeta.ru .
Okınosıma araly Fýkýoka prefektýrasynyń ońtústik batysynda ornalasqan. Ondaǵy kóptegen ǵıbadat keshenderinde Japonııanyń ulttyq qundylyǵy sanalatyn 80 myńnan astam kóne jádigerler saqtalǵan.
Bul aralǵa áıelder qaýymynyń kirýine ruqsat etilmeıdi. Er adamdardyń ózi jylyna bir-aq ret, 27 mamyr kúni aralda dinı festıval ótkizilgende kiredi. Okınosımany bir ýaqytta 200 adam ǵana kóre alady jáne olardyń aralǵa barǵandyǵy týraly baıandaýǵa nemese araldan qandaı da bir zat alyp shyǵýyna qatań tyıym salynǵan.
Qalǵan ýaqyttyń bárinde 700 sharshy metrdi qamtıtyn Okınosımada bir ǵana monah ómir súredi.
