Áıelderdiń 80 paıyzy erlerge makııajsyz kórinýden qorqady
ASTANA. 18 naýryz. QazAqparat - Názik jandardyń 80%-y jańadan tanysqan er-azamattyń kózine makııajsyz kórinip qalmaýǵa bir aı boıy bas qatyrady. Aǵylshyn psıhologteri boıanyp-sylanýdyń qyz-kelinshekterdiń erlermen qarym-qatynasyna qalaı áser etetinin zerttep shyqty. Bul týraly «Alash aınasy» jazdy.
Zertteýdiń qorytyndysy boıynsha, qyzdardyń 17%-yna súıgen adamyna boıanbaǵan kúıde kóriný úshin tanystyqtan soń keminde eki aı ýaqyt kerek ekeni anyqtaldy. Al zertteýge qatysqan qyz-kelinshekterdiń 16%-y erkekke shynaıy túrin jarty jyldan soń ǵana kórsete alatynyn aıtty. 8%-y bir jyl boıy oılanyp júrip alatyn bolyp shyqty, qyzdardyń endi 3%-y eshqashan er-azamatyna boıanbaǵan kúıde kórinbeýge bekinip otyr. Respondent-kelinshekterdiń úshten biri túrin retke keltirý úshin tańerteń kúıeýinen buryn turýǵa májbúr. Saýalnamaǵa qatysqandardyń 58%-y makııajdyń arqasynda ǵana ádemi bolatynyn moıyndaǵan, al 28%-y ózderin ádemi sanamaıtynyn aıtqan.
