Áıelderdiń 4-shi Eýrazııalyq sammıtine G.Ábdiqalyqova men D.Nazarbaeva qatysady
«Biz bul sammıtti tórtinshi ret ótkizetin bolamyz. Ol áıelderiń ekonomıkaǵa úlesi men ıntegratsııa máselelerine arnalady. Bul másele ásirese, elimizdiń Dúnıejúzilik saýda uıymyna kirýi qarsańynda barynsha mańyzdy. Munan bólek, «EKSPO-2017» halyqaralyq kórmesine áıelderdiń qatysýy da sóz bolady», - dedi ol. Onyń atap ótýinshe, sammıt jumysyna QR Memlekettik hatshysy, QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy Gúlshara Ábdiqalyqova, QR Premer-Mınıstriniń orynbasary Darıǵa Nazarbaeva qatysyp, sóz sóıleıdi. Sammıttiń mártebeli qonaqtary qatarynda Grýzııanyń saıası partııasynyń kóshbasshysy Nıno Býrdjanadze bolady. «Sammıt aıasynda birneshe shara ótedi. Máselen, «Nurly jol - jańa múmkinshilikter» halyqaralyq konferentsııasynda halyqaralyq ıntegratsııa máseleleri talqylanyp, Eýropalyq qaıta qurý jáne damý bankimen aradaǵy qarym-qatynasty jańa deńgeıge kóterilýi qarastyrylady. Óıtkeni, bul bank elimizdegi áıelder kásipkerligin qoldaýǵa 41 mln. dollar bólip otyr», - dedi R.Sársembaeva.