Áıelderdi zorlyq-zombylyqtan qorǵaý máseleleri talqylandy
ASTANA. 11 qazan. QazAqparat - QR ІІM Ákimshilik polıtsııa komıteti «Áıelderdi zorlyq-zombylyqtan qorǵaý máselelerimen aınalysatyn memlekettik organdar, uıymdar jáne qoǵamdyq birlestikterdiń ózara is-qımylynyń tıimdiligin arttyrý» taqyrybynda konferentsııa ótkizdi.
Bul aqparatty atalǵan vedomstvonyń baspasóz qyzmeti taratyp otyr.
Konferentsııaǵa Parlament Májilisiniń depýtattary, «Nur Otan» HDP, EQYU ortalyǵy, memlekettik organdar, áıelderdi zorlyq-zombylyqtan qorǵaý máselelerimen aınalysatyn úkimettik emes uıymdar qatysty.
Іs-sharada otbasynda zorlyq-zombylyqty boldyrmaý jáne aldyn alý jumystarynyń tıimdiligin ári nátıjeligin arttyrý boıynsha sharalar talqylandy. Qatysýshylardyń atap kórsetkenindeı, zorlyq-zombylyq qurbandaryna qajetti kómek kórsetý ýákiletti organdardyń ózara is-qımyl jasasý deńgeıine baılanysty bolyp tabylady.
Osyǵan baılanysty konferentsııada múddeli memlekettik organdar men úkimettik emes uıymdardyń zorlyq-zombylyqqa ushyraǵan adamdarǵa áleýmettik-quqyqtyq kómek kórsetý kezinde ózara is-qımyl jasasýyn qamtamasyz etý boıynsha naqty sharalar pysyqtaldy.
