Áıelder júktilik kezinde kóp qımyldap, belsendi bolýy kerek - AQSh ǵalymdary
ASTANA. QazAqparat - AQSh-ta árbir besinshi júkti áıelge qandaıda bir dertiniń asqynyp ketýinen saqtaný úshin tynyǵyp, kóp qımyldamaýǵa keńes beriledi. Áreketsiz, tynyshtyq saqtaýdyń ózindik paıdasy bolýy múmkin, biraq onyń zııan jaǵy da anyqtalyp jatyr, dep jazady The Daily Mail.
Sebebi, qımylsyz, salmaq basyp, jata bergen áıelderde qan uıyp, qant dıabeti órshýi sekildi belgiler baıqalǵan. Tipti, ondaıda adam saryýaıymǵa berilip, ábden bosańsyp ketýi múmkin.
Sonymen qatar, júktilik kezinde kóp qımyldamaǵan analardyń balalary týǵanda álsiz, salmaǵy az bolyp týylǵan. AQSh-tyń Medıtsınalyq zertteý ortalyǵynyń ǵalymdary júrgizilgen saýalnamalar qorytyndysy boıynsha, endi áıelderdi is-qımyldan shektemeý kerek degen toqtamǵa kelgen.
