Áıelder úshin eń qaýipti qala anyqtaldy
ASTANA. QazAqparat - Kaır áıelder úshin eń qaýipti megapolıs dep tanyldy. Thomson Reuters Foundation uıymynyń reıtınginde 10 mıllıonnan astam turǵyny bar Mysyr astanasy názik jandylar úshin qaýipti qala retinde kósh bastady, dep habarlaıdy TASS.
Tizimge álemniń 19 iri qalasy engen. Arnaıy mamandar osy qalalardaǵy sarapshylardyń pikirimen sanasyp, zertteý júrgizgen. Olar qalalarda áıelder ózderin qanshalyqty qaýipsiz sezinetindigine taldaý jasaǵan.
Kaır áıelderge seksýaldyq kúsh kórsetý boıynsha tizimniń basyna shyqty. Óıtkeni mereke kúnderi nemese halyq kóp jınalǵan jerlerde áıelderge qatysty kúshteý, zorlaý oqıǵalary jıi oryn alady. Oǵan tipti áıelderdiń «ıslamdyq dress-kod» - jabyq kıimder men basyna hıdjab jamylǵysy da kómektese almaıdy eken.
