Áıelder úshin 30% kvota qoǵamymyz úshin baıypty syn-tegeýrin – Lazzat Ramazanova
«Qazaqstan halqynyń 52 paıyzyn áıelder quraıdy. Eger jumysqa qabiletti 16 men 58 jas aralyǵyn alatyn bolsaq, onda shamamen 4,5 mln áıel bar. Bul áleýetti jumys orny sanalady. Búginde áıelder ishki jalpy ónimniń artýyna tikeleı úlesterin qosa alady. Muny qosymsha iske aralasa alatyn tyń kúsh desek te artyq emes. Óıtkeni, qazirgi ýaqytta pandemııa árbir eldiń, onyń ishinde Qazaqstannyń da kún tártibine túzetý engizip otyr. Búkil elimizdiń ál-aýqaty azamattarymyzdyń belsendiligi baılanysty ekendigin bárimiz de bilemiz. Al bul jalań uran emes, búgingi kúnniń shyndyǵy», - dedi ol Jemqorlyqqa qarsy qyzmet alańyndaǵy suhbat barysynda.
Komıssııa tóraıymy jemqorlyq kez kelgen qoǵamnyń damýyna tejeý bolatyn zulymdyq ekendigin basa aıtty. Sonymen qatar elimizdegi bıznestiń 70 paıyzy kvazımemlekettik sektorda ekendigin atap ótti.
«Eger respýblıkalyq bıýdjetti alyp qaraıtyn bolsaq, ol shamamen 6 trln teńgeni, al «Samuryq-Qazyna« bıýdjeti shamamen 9 trln teńgeni quraıdy. Bul, óte aýqymdy qarjylyq resýrs. Atalǵan qarajattyń qanshalyqty tıimdi ári jemqorlyq syzbasynsyz júzege asyrylýy bizdiń ár qaısymyzdyń ál-aýqatymyzǵa áserin tıgizedi. Sondyqtan da kvazımemlekettik sektorda áıelder úshin 30 paıyzdyq kvota belgileý qoǵamymyz úshin baıypty syn-tegeýrin ekendigi sózsiz», - dedi Lazzat Ramazanova.