Áıelder turmystyq zorlyq-zombylyqqa qatysty kóbirek shaǵymdana bastady

ASTANA. QazAqparat - Qazaqstannyń ońtústiginde otbasy-turmystyq salada oryn alatyn quqyq buzýshylyq sany 280 paıyzǵa artyp otyr. Bul týraly QR Bas prokýrorynyń asa mańyzdy tapsyrmalar jónindegi aǵa kómekshisi Saltanat Tursynbekova aıtty, dep habarlaıdy QazAqparat tilshisi.

«Búgin halyq úshin asa mańyzdy máselelerdiń biri - turmystyq zorlyq-zombylyqtyń aldyn alý jaıyn qaraımyz. Ońtústik Qazaqstannyń, al búgingi Shymkent qalasy men Túrkistan oblysynyń aýmaǵynda sońǵy 2 jylda júrgizilgen «Otbasyndaǵy zorlyq-zombylyqsyz Qazaqstan» jobasynyń qorytyndysyn talqylaımyz», - dedi ol QR Prezıdenti janyndaǵy Áıelder isteri jáne otbasy-demografııalyq saıasat jónindegi ulttyq komıssııa otyrysy aıasynda BAQ ókilderine bergen suhbatynda.

Onyń aıtýynsha, jobanyń basty maqsaty - otbasylyq-turmystyq salada oryn alatyn quqyq buzýshylyqtardyń sanyn barynsha tómendetý bolǵan. Búginde joba aıasynda naqty jetistikter de bar deýge bolady. Degenmen, ońtústik óńirde turmystyq zorlyq-zombylyqtyń ósip otyrǵanyn da atap ótken jón.

«Ókinishke qaraı, búgingi kúni Ońtústik Qazaqstanda otbasy-turmystyq saladaǵy quqyq buzýshylyqtyń sany 280 paıyzǵa artyp otyr. Bir jaǵynan bul jobamyzdyń arqasynda adamdardyń únsiz qalmaı, júginýge bet alǵanyn kórsetedi. ıAǵnı, bul saladaǵy aǵartýshylyq jumystardyń nátıjesinde halyq turmystyq zorlyq-zombylyq faktilerin aıtyp, jıi júgine bastady. Mundaı jobanyń alǵashqy nátıjesi - barlyq ýaqytta da quqyq buzýshylyqtyń artýy. Qazir mundaı faktilerdi kóptep anyqtala bastady. Degenmen, bul jumysty baıalatý kerek degen sóz emes», - dedi Saltanat Tursynbekova.