Áıelder túrmesinde tiginshiler jarysy ótti
ASTANA. QazAqparat - «Úzdik tiginshi 2016». Shymkenttegi 167/4 áıelder túzetý mekemesinde jazasyn óteýshiler arasynda sheberlik baıqaýy ótti.
Oblystyq prokýratýrasynyń uıymdastyrýymen ótken shara maqsaty - úzdikterdi anyqtaý. Eń bastysy qazirgi ýaqytta mekemede jolǵa qoıylǵan kásiporynnyń jumysymen tanystyrý, dep habarlaıdy otyrar.kz.
Ǵajapqa árbir áıeldiń jany qumar. Muny qatań tártiptegi túzetý mekemesinde ótken úzdik tiginshi-sheber baıqaýynan baıqaýǵa bolady. Tiginshilerge talap qatań. 5 qatysýshy 1 saǵat ishinde polıtsııa qyzmetkeriniń kóılegin tigýi kerek. Ádilqazylar tek jyldamdyqty ǵana emes, sapany da baǵalaıdy.
Túzetý mekemesinde búgingi tańda 50-den astam adam 3 aýysymda qyzmet etip, jalaqy alýda. Temir tordyń arǵy jaǵynda tigin tigýden arnaıy bilimderin jetildirgender kez kelgen tapsyrysty qabyldaýda. Saıysqa qatysqan jazasyn óteýshi-tiginshilerdiń beseýi 1 saǵat ishinde polıtsııa qyzmetkerleriniń kóılegin tikti. Jeńimpazdardy kásibı tiginshiler anyqtady.
Býlkash Kasenova 10 jylǵa bas bostandyǵynan aırylǵan. 3 jyldan beri jazasyn ótep kele jatqan ol tigin ónerin osynda júrip úırenipti. Kásibı tiginshilerdiń qataryndaǵy kelinshek bostandyqqa shyqqan soń osy sala boıynsha kásibin ashsam deıdi. Eńbegi úshin jalaqy alyp otyrǵan ol ýaqytty tıimdi paıdalanýyma bul zor múmkindik boldy dep otyr.
Túzetý mekemesinde búgingi tańda 50-den astam adam 3 aýysymda qyzmet etedi. Jalaqy 15 myń teńgeden 100 myń aralyǵyda. Temir tordyń arǵy jaǵynda tigin tigýden arnaıy bilimderin jetildirgender kez-kelgen tapsyrysty qabyldaýda. Al búgingi baıqaý nátıjesi boıynsha Ekaterına Lapaeva 1-oryn jeńimpazy atandy.
Ádilqazylar sheshimi boıynsha ózge qatysýshylar eki 2-oryn, eki 3-oryndy ózara bólisti. Endi halyq arasynda 31-túrme ataýymen belgili 167/3 túzetý mekemesinde «Úzdik sheber» oblystyq baıqaýynyń 1-kezeńi ótedi.
