Áıelder ot basyndaǵy ǵana emes, sonymen birge eldegi tynyshtyqty da saqtaýshy - N. Nazarbaev
aýryzdyń 5-i. Qazaqparat /Ernur Aqanbaı/ - Áıelder ot basyndaǵy ǵana emes, sonymen birge eldegi tynyshtyqty da saqtaýshy bolyp tabylady. Búgin Aqordada Qazaqstannyń áıelder qaýymynyń ókilderimen kezdesýinde Elbasy Nursultan Nazarbaev osylaı aıtty,
dep habarlaıdy QazAqparat.
«Áıelder ot basyndaǵy emes, sonymen birge eldegi tynyshtyqty da saqtaýshy bolyp tabylady. Bári de sizderge baılanysty. Otbasynda beıbitshilik bolsa, onda bári de jaqsy degen sóz. Eger áıeldiń kózinde jas bolmasa, bul degenimiz eldegi jaǵdaıdyń jaqsylyǵyn, eldiń tynyshtyǵyn bildiredi. Eger áıeldiń kózi nur shashyp tursa, onda onyń janynda tireý bolatyn naǵyz er azamatynyń baryn, balalary jaqsy ómir súrip jatqanyn bildiredi», dedi kezdesýde N. Nazarbaev.
Osy oraıda Elbasy Qazaqstandaǵy áıelder qaýymynyń eldiń ishindegi tynyshtyqty saqtaýdaǵy rólin joǵary baǵalady. «Kún saıyn teledıdardan Baǵdatta beıbit turǵyndardyń qaza taýyp jatqanyn kórip júrmiz. Júzdegen adamdar jaralanyp jatyr. Álemniń keıbir núktelerinde de osyndaı oqıǵalar bolýda. Bunyń bári dinaralyq, ultaralyq qaqtyǵystardyń negizinde bolyp jatqan dúnıeler. Qazaqstan budan óte aldy. Birde-bir ana eshkimge túsiniksiz, eshkimge keregi joq dinaralyq qaqtyǵystardyń kesirinen balasynan aıyrylyp, jańaǵylar sııaqty kóz jasyn tókken joq. Elimizdegi osyndaı dostyqty, tynyshtyqty sizder qoldap otyrsyzdar. Qazir de bizge bul asa qajet», dedi Memleket basshysy.
