Áıelder ómirleriniń úsh jylyn dúkenderde ótkizedi eken - zertteý
ASTANA. Sáýirdiń 10-y. QazAqparat - Áıelder ómirleriniń úsh jylǵa jýyq ýaqytyn dúkenderde ótkizedi eken. "Ýanpoll.kom" áleýmettik qyzmetiniń zertteýine silteme jasaǵan "Nıý-Iork Deılı" basylymy juma kúni osyndaı málimet jarııalady,
dep habarlaıdy QazAqparat.
2 myńnan astam qyz-kelinshek qatysqan saýalnamaǵa súıensek, olardyń árqaısysy ómir boıyna dúken aralaýǵa orta eseppen 25 myń 200 saǵat jumsaıdy eken. Jáne ýaqyttarynyń kóbisin olar jańa kıim, aıaq kıim, basqa da zattar izdeýmen ótkizedi eken. Biraq, azyq-túlik satyp alý da áıelderdiń biraz ýaqytyn - shamamen joǵarydaǵy ýaqyttyń shırek bóligin alady. Saýalnama kórsetip otyrǵandaı, respondentter jyl saıyn 300-deı ret dúkenderge «joryq» jasap, oǵan 400 saǵatyn ýaqytyn jumsaıdy eken, onyń ishinde 95 saǵatyn olar azyq-túlik dúkenderinde ótkizedi eken.
Bul «óte ortashalandyrylǵan» málimetter, deıdi zertteýshiler. Sebebi, keıbir qyz-kelinshekter dúkenderdi «júgirip» qana aralaıtyn bolsa, keıbir áıelder ómiriniń biraz bóligin dúken aralaýmen ótkizýge bar.
