Áıelder mınıstrligi qurylatyn boldy
ASTANA. QazAqparat - Saýd Arabııasynyń keleli keńes organy bolyp tabylatyn Shýrada aq jaýlyqtylarǵa óz aldyna bólek mınıstrlik qurý týrasyndaǵy usynys qarastyrylyp jatyr. Bul jaıynda Shýra múshesi Thýraı Erraıd málim etti, dep jazady muslim.kz saıty.
«Men áıelderdiń múddesin qorǵaıtyn quzyrly organnyń qurylǵanyn qalaımyn ári bul usynysty qoldaımyn»,- dedi ol jergilikti buqaralyq aqparat quraldaryna bergen suhbatynda.
Atalmysh keńestiń taǵy bir múshesi Lama ál-Súleımenniń aıtýynsha, ekonomıkalyq qyzmetke aralasyp júrgen er azamattardyń 70 paıyzy jazyp-syza almaıdy, hat ta tanymaıdy.
Ál-Aqsadaaǵy isker áıelder komıtetiniń jetekshisi Fadııa ál-Rashıdtiń sózine qaraǵanda, bızneste saýdııalyq áıelderdiń qarasy az kórinedi. Olardyń qarasy bar-joǵy segiz paıyzdy ǵana quraıdy eken.
«Saýdııalyq áıelder: bolashaqqa nyq qadam» dep atalatyn májiliste sóılegen sózinde saýdııalyq áıelder jolbastaýshysynyń (gıd) prezıdenti Maha Fıtahı: «Biz áıelderdi otbasy, oshaq qasynan alystatyp, jumysqa barýyna májbúrleı almaımyz. Ol - ár áıeldiń qalaýyna qaraı bolatyn is. Biz olardyń tóńirekte ne bolyp, ne qoıyp jatqanynyn habardar bolǵanyn qalaımyz»,- dedi.
