Áıelder men jastarǵa arnalǵan 30 paıyzdyq kvota qandaı nátıje beredi – Halyqaralyq baıqaýshylar pikiri
TMD Parlamentaralyq assambleıasynyń baıqaýshysy Oleg Tsepkınniń aıtýynsha, Qazaqstan jastary saılaýǵa belsendi qatysyp jatyr.
«Ýchaskelerde jastardy kórdik. Ásirese 18 jasqa tolǵan azamattardyń daýys berýi aıtarlyqtaı baıqalady. Búgin olardyń alǵashqy saılaýy jáne olardy yntalandyrý úshin ulttyq shyǵarmalar jınaqtalǵan kitaptar syılandy. Bul istiń sapaly saılaýǵa qanshalyqty áser etetinin, árıne, nátıjeler boıynsha qaraý kerek», - deıdi Oleg Tsepkın Sputnik-Qazaqstan mýltımedıalyq baspasóz ortalyǵynda ótken onlaın brıfıngte.
Onyń aıtýynsha, qazirgi ýaqytta saılaýǵa qatysatyn jáne Parlament Májilisine kirmeıtin partııalarda da jastar pozıtsııasyna baǵyttalǵan baǵdarlamalary bar.
«Óıtkeni partııalardyń baǵdarlamalarynda IT taqyryby, áleýmettik máselelerge qarjyny tıimdi paıdalaný jóninde baǵdarlamalar bar. Jas ereksheligin kvotalaýǵa baılanysty zańnamadaǵy ózgerister belgili bir áserin tıgizýi múmkin. Sebebi Qazaqstan turǵyndary tek Parlamentti ǵana emes, barlyq deńgeıdegi depýtattardy da saılaıdy. Mundaı múmkindikter jastardyń múddesi úshin de paıda bolýda», - deıdi halyqaralyq baıqaýshy.
TMD Parlamentaralyq assambleıasynyń baıqaýshysy, Ózbekstan Respýblıkasy Olıı Majlısiniń zań shyǵarý palatasy Sybaılas jemqorlyqqa qarsy is-qımyl jáne sot-quqyqtyq máseleler komıtetiniń múshesi Adham Shadmanov óz elindegi áıelder men jastar úshin engizilgen kvotany mysal retinde keltirdi.
«Keıbir ekonomıster bolashaq Parlament jas ári áıelderge toly bolady dep boljam jasaýda. Kvota boıynsha qabyldanǵan irgeli ózgerister óz nátıjesin beredi. 2019 jyly bizde de Parlament saılaýy boldy jáne oǵan ózim de qatystym. Bizde 8 jyl buryn belgilengen kvota nátıjesin bergenin de aıtqym keledi. Qazirgi ýaqytta bizdiń Parlamentte áıelderdiń úlesi – 33%. Sonymen birge, men mundaı jas Parlamentti eshqashan kórgen emespin – jasy elýden asqan depýtattardyń úlesi 20% ǵana», - deıdi Adham Shadmanov.
